An english poem for my only god sister

For my dear monal..

Your smile made me go miles
Your voice gave me an endless joy
Your teasing was immensely pleasing
Your incredible nature was always an adventure
Monal, how much ever I hide my emotions
Letting you go will be hard as ever
Missing you will always be a pain
But seeing you will just be a haven
I hope you get what you seek in this world
And may god bless you forever and ever.."for seven generations" ;-)

Kaafiye

Na thi jisko mere pyaar ki kadar

Ittefaq se ussi ko chah rahe the hum

Ussi diya ne jalaya mere haath ko

Jisko hum hawa se bacha rahe the

-------------------------------------------------------------------------------

Koshish karo ke kabhi koi aapse na roothe

Zindagi mein kisi khas ka saath na choothe

Rishta chahe koi bhi ho usse nibhaon

Aise ki rishton ki dor zindagi bhar na toote

Ek galati

Yunhi inn rahon mein mil baithe the tumse,

Kuch unkahe khwab jaguthe the tumse,

Iss aashiq ne ek gusthaki kya kardi,

Aap toh dosti hi todd baithe humse..

Agar gunehgaar hai hum aapke,

Toh hum maafi mang lete aapse,

Humari khata ko bas ek baar bata dete aap,

Yakeen manniye chand taare bhi todd laate aaj..

Gumshuda

Kabse tumhe dhoond rahe the

Par aaj mile ho woh bhi aise..

Chalo chodon yu itarana kyunki..

Jaane dengey tumhe hum kabhi ;)

Ma

Ma, aapse main hun aapke bina main kuch nahi..

Aapse hun main itni door isse bada koi gum nahi..

Aapki har ek daat sunane ko yeh kaan taraste hai..

Aapke saath beetaye har pal fir se jeena chahta hai..

Main bhi kitni pagal hun ki aapko chod saat samundar par chali aayi..

Ma, Jo bhagwan ka anmol roop hai usse apne uchakansha ke liye chod aayi..

Abh jab wapas aaon toh saath na chodungi main aapka..

Kyunki abh main aapke bina ek aur Mother’s day saha nahi jaayega!

Love you mumma and Miss you a lot!

Mausam ke haal chal Corvallis mein

Chaliye aapko sunaye mausam ka haal..

Aaj Corvallis mein sabki halat hai behaal..

Pavan ke jhokone kar diya sab ulat pulat..

Aur inn kaale badlon kar diya hai paani se lath path..

Faisla

Band karo yeh rona dhona

Jis mein ruchi nahi woh kyun karna

Bachpan ka khawab jab honewala hai poora

Toh phir kyun tumhe hai kuch aur karna

Mat karo usse kyunki baad mein tumhe hai pachtana

Iss dost ne tumhe kitni baar hai roka

Par har baar tumne mere alphazon ko kiya unsuna

Anth mein hoga tumhe apne hi faisle par rona.....

Bhaiya

Bhai-behan ka yeh atoot rishta,

Duniya mein hai kum milta,

Par Bhaiya apne uss kumi ko poora kiya,

Aur humein iss anjaan desh mein bhai ka pyar diya.

Meri pyari nyari saheli

Aaj dil ne kahan tere baare mein likhun

Par kaise izhaar karun iss dil ki baatein

Inn char saalon mein tere saath guzra

har pal apne aap mein ek kahani hai

Yuhin beet gaya jo woh toh humari jawani  hai

Dekhte hi Dekhte hum itne baade ho gayen

Yeh din toh baas ek doosre ko samjhne mein beet gayen

Maana ki humari shuruvat achi na thi

Magar pyaar jis rishte ki buniyaad ho

Uss rishte ki toh misaal di jaati hai

Log toh hume bemisaal kehte hai

Aur apne hee dil se roz roz

Humare jaise dosti ki umeed karte hai

Tuje toh malum hai behna

Tere saath hoga muje chodna

Nahi dekh paungi har din tuje

Par teri yaad mein sabko sonal bulangi

Unn logon ko apni kahaniyan sunaugi

Aise hi apni dosti ko jaawan rakhungi

Kuch aur kaafiye bas yun hi.....

Number one:

Parichay karva de mere dilka tere dilse

Lubha liya hai tune apni ek jhalak se

Pal mein hi deewane tere ho gaye

aashiq-parwane-mastane yeh  naam humse jud gaaye 

Number two:

Tumhari ek awaz par uth khade hum

Tum bolo toh zameen aasman ek kar de hum

Teri ek muskaan humari duniya ki hasrat hai

Tumhara saath meri zindagi mein barkat hai

Behaal Dost

Abh aur nahi sun sakti mein

Doston ki buraai jhel nahi sakti mein

Hey Bhagwan! uss dost ki izzat kaise karu

Jo apni hi izzat nahi kar paaya

Dost ke charitra mein parivartan hua

Ghamand ne usse sar se pau dhak liya

Main uski madat kaise karu Bhagwan

Jisne apne hi barbaadi ko lakshya bana liya

Machalna

Dil mein hui hai hulchul hulchul

Ho gayen hai hum pagal pagal

Sama badal raha hai haule haule

Pyar na ho jaaye yunhi milte milte

Afsos

Yeh kaisi majboori hai

Kyun yeh doori hai

Yeh kaise bhed-bhav hai

Kyun parkha jaa raha hai jaat se

Kya abh jaat dekhkar dost banaengey

Iss Jaat ki Dhool ne aankhen moond li insaan ki

Kar diya door sachai se insaan ko

Afsos hai ki jaati se tol rahe hai rishte

Jab atoot rishte ki buniyaad pyar ko maante hai

Toh phir kyun jaati ko rishte ki neev banate hai

Kyun na hum pyaar baate aur mitaye inn bhed-bhavon ko

Aur bhool jaaye woh jaat paat jo alag karen insaan no ko

Ajeeb Mann

Yeh mann tanhayeon mein roye

Na yeh pyar ki paribhasha samjhe

Isse bas kamiya kyun dikhti hai

Achaiya kyun nazarandaz ho jaati hai

Apne aap ko sawalon se hairaan karta hai

yeh mann khud se hi anjaan rehta hai

Kabh yeh mann pyar ko samjhega

Kabh yeh dil ki icha poori karega.....

Aarzu

Tanha hai yeh dil tere bina din-ba-din

Tujse milne ki kare aarzoo har din

Kabhi toh aakar mujh se mil

Saath na chodengey agar tu dede dil

Dard

Dard yeh jo saha na jaayen

Davai bin abh raha na jaayen

Kaise kaise din dekhne padte hai

Apne badan ko toot te dekhte hai

Teri Yaad

Aaj baarish mein beeghte beeghte teri yaad aayi

Tere saath beetaye unn lamhon ki humne fariyaad ki

Tujse milna toh door hum toh teri awaz sunne ke liye taraste hai

Iss liye hum apna jee bharne ke liye khud hi se baatein kar lete hai