Zaroorat

 

                           Zindagi mein har pal haseen ho yeh zaroori toh nahi,
                           Har ghum mein aansu aaye yeh mumkin bhi nahi,
       
                           Zaroori hai toh bas tera saath inn mushkil palon mein,
                           Mumkin hai toh bas tera atoot vishwas mujhpe...

Na tha jiski umeed...

Kabhi tumse rusva hone ka irada na tha,

Kabhi tumhare dil ko dukhane ka irada na tha,

Ek din hum dono anjaan ho jaayengey aisa socha na tha,

Yun hi juda ho jaayengey aisa anjaam chaha na tha!!!

Ex-Love

Poorani baatein aaj kal yaad nahi aatey,

Zubaan par teri diye saugat bhi nahi aatey,

Tujse ki jo mohabbat bhula chukey hai hum,

Na dukh hai kisi baat ka Na hai koi gum,

Maaf karna mere yaar tujse dosti na nibha payengey,

Agar baar baar peechey mudtey rahe toh aagey kaise badh paayengey...

Tera Palatna

Zindagi ka chakka yun ghuma ki Saari bhavnaye palat gayi, 

Aap humse palat gayi Toh hum aapse palat gayen, 

Na boley tum aur na main ne kuch kahan, Aur humara naata Aise hi kaccha hota gaya, 

Kya dosh de hum aapko aur kyun kare yun pareshaan hum aapne aapko, 

Par fir bhi iss pagal dil ko hai fitoor ki fir ghoomega yeh chakka aur sulta dega tere mere beech ke tanaav ko. 

Kuch Ajeeb

Ek ajeeb si adchan mehsoos hoti hai,

Jab baatein kahi nahi jaati hai,

Har pal unki khamoshi pareshaan karti hai,

Aisa lagta hai ki unki berukhi bayaan karti hai,

Yeh sirf mera khayal toh nahi,

Shayad koi berukhi hi nahi,

Par iss dilko pata nahi kyun bharosa hai,

Ki har khamoshi ke peechey wajah toh hota hai...

Khamoshi

Ek ajeeb si bechani hai dil mein,

Par bayaan nahi ho paa rahi hai...

Kuch poochna chah raha hun tumse,

Par shabd nahi mil paa rahe hai...

Yeh mann kahin kho gaya hai kale andheron mein,

Par tere saamne aatey hi machal jaata hai...

Yeh kaisi kashmash mein pad gaya hun,

Kyun main khamoshi ka saath dene laga hun...

Dard

Kabhi kabhi yeh dil apne aap se saawal karta hai...

Kyun chahon kisiko itna ki unke na hone ka dard ho...

Kaisa hai yeh dard hai jo chahat ko bhulane par bhi kam nahi hota...

Yeh dard bhi bada dusht hai sama jaaye yun zehan mein ki nikale na nikle...